झापा एक्सप्रेस , ३७९७९ पटक हेरिएको
शरणामती।बराईनमा सेप्टेम्बर १० देखी १८ सम्म हुने यू-२० एसियन कप छनौटका लागी झापाको झापा गाउँपालिकाका जान ताम्ली सहित २५ सदस्यीय प्रारम्भिक टोली घोषणा गरिएको छ।
टोलीमा डिफेन्डरमा ताम्ली सहित अमर श्रेष्ठ, अजय चौधरी, सुमित श्रेष्ठ, सृजन धानी, अभिषेक वाइबा, शेखर खवास, श्यान्सु भुसाल, राज थोकर रहेका छन् ।त्यस्तै गोलकिपरमा ईश्वर गुरुङ, उनेश चौधरी, जियारत शेख, टोपबहादुर राना ,मिडफिल्डरमा दीपेश गुरुङ, आशिष राई, सन्दीप कार्की, जन्मेजय धामी, कृतिशरत्न छुन्जु, सुगम सुवाल, मनाज्ञ नकर्मी, आयुष घलान, राकेश विश्वकर्मा, सञ्जीव लामा र फरवार्डमा निरञ्जन मल्ल, रोहन खड्गीलाई मुख्य प्रशिक्षक मेघराज केसीले छनौट गरेका हुन् ।
सेप्टेम्बर १० देखि १८ सम्म हुने समूह ‘बी’ को छनौटमा आयोजक बहराइनसँगै कतार, बंगलादेश र भुटानसँगै नेपाल रहेका छन्।
नेपालले आफ्नो पहिलो खेल सेप्टेम्बर १० मा भुटानसँग र दोस्रो खेल सेप्टेम्बर १२ मा कतारसँग खेल्नेछ भने तेस्रो खेल सेप्टेम्बर १४ मा बहराइनसँग र चौथो खेल सेप्टेम्बर १८ मा बंगलादेशसँग खेल्नेछ।
समूहको शीर्ष टिम आगामी वर्ष आयोजना हुने यू-२० एसिया कपमा छनौट हुनेछ। दोस्रो हुने टिमको पनि छनौट हुने सम्भावना रहन्छ।
प्रकाशित मिति: २०२२-०९-०६ , समय : ११:२६:४६ , २ वर्ष अगाडि