झापा एक्सप्रेस , १५८६३ पटक हेरिएको
शरणामती-झापाको झापा गाउँपालिकामा रहेको उद्योग वाणिज्य संघले रक्तदान कार्यक्रम सम्पन्न गरेको छ।संघले दिपावाली तथा छठ पर्वको पुर्वसन्ध्यामा शुभकामना आदानप्रदान सँगसँगै एक दिवसीय रक्तदान कार्यक्रम सम्पन्न गरेको हो।
जिल्ला रेडक्रस झापा शाखाको प्राविधिक सहयोगमा सम्पन्न भएको रक्तदान कार्यक्रममा ४१ जना व्यक्तिले रक्तदान गरेका थिए।रक्तदान गर्नेहरुमा अधिकाँश म्यादी प्रहरी , शिक्षक , व्यापारीहरु रहेका थिए ।
डिल्लीराज माविको सभाहलमा भएको कार्यक्रम ठोमनाथ नेपालको अध्यक्षतामा तथा झापा गाउँपालिका अध्यक्ष जयनारायण साहको प्रमुख आतिथ्यमा सम्पन्न भएको थियो । कार्यक्रममा उपाध्यक्ष अन्जुदेवी थपलिया ,भारत
दिघलवैंक ग्राम पंचायतका मुखिया पुनम देवि सिंह,वडाध्यक्षहरु महमद ताहिर,सखिचन्द्र ठाकुर लगायतको उपस्थिति रहेको थियो।
संघकी उपाध्यक्ष वसुन्धरा थपलियाले स्वागत गरेको कार्यक्रमको सन्चालन महा सचिव भविन्द्र भण्डारीले गरेका थिए।
प्रकाशित मिति: २०२२-१०-२३ , समय : २१:३०:४७ , २ वर्ष अगाडि