झापा एक्सप्रेस , १०५३८ पटक हेरिएको
झापा । झापाको मेचीनगर नगरपालिका वडा न ५ मा एक महिला मृत अवस्थामा फेला परेकी छन् ।
मेचीनगर नगरपालिकाको पिपल डाँडा चौककी ६८ वर्षीया अम्बिका कुँवर बुधबार साँझ आफ्नो घर नजिकै मृत अवस्थामा भेटिएको जिल्ला प्रहरी कार्यालय झापाका प्रवक्ता डीएसपी बसन्त पाठकले जानकारी दिएका छ्न् ।
मृतक महिला शंकास्पद अवस्थामा भेटिएको जनाउँदै प्रहरीले घटनास्थलमा पुगेर घटनाबारे अनुसन्धान शुरु गरेको जिल्ला प्रहरी प्रवक्ता पाठकले जानकारी गराएका छ्न् ।पाठकका अनुसार थप अनुसन्धान तथा कानुनी प्रकृयाको लागि जि.प्र.का. झापा प्रमुख प्र.उ.बिश्वमणी पोखरेल र ई.प्र.का.काकडभिट्टाबाट प्र.ना.उ. सुनिल दाहाल सहितको टोली खटिएको साथै संघिय प्रहरी ईकाई धरान डग शाखाबाट प्र.ना.नि. कमाण्डमा ५ जनाको टोली र २ वटा कुकुर सहित परिचालन गरिएको छ ।घटनाको अनुसन्धानको क्रममा सोही स्थान बस्ने बर्ष २७ का रण बहादुर बस्नेतलाई नियन्त्रणमा लिई थप अनुसन्धान
भईरहेको प्रहरीले जनाएको छ ।
प्रकाशित मिति: २०२२-०३-१० , समय : २०:४३:३९ , ३ वर्ष अगाडि