झापा एक्सप्रेस , ३६६४५ पटक हेरिएको
गौरीगञ्ज । चार्जमा रहेको मोबाइल फोन उठाउनेक्रममा करेन्ट लागेर झापाको गौरीगञ्जमा एक महिलाको मृत्यु भएको छ । गौरीगञ्ज गाउँपालिका- १ स्थित टुनुबस्तीकी जगतबहादुर बुढाथोकीकी ५५ वर्षीया श्रीमती शिला बुढाथोकीको मृत्यु भएको प्रहरीले जनाएको छ ।
बिहीबार दिउँसो खेतमा काम गरी घरमा आएर चार्जमा रहेको मोबाइलमा फोन उठाउने क्रममा उनलाई करेन्ट लाग्दा घटनास्थलमै मृत्यु भएको जिल्ला प्रहरी कार्यालयले जनाएको छ ।
खेतमा काम गरेर घर फर्केको अवस्थामा चिसो हातले मोबाइल फोन छुँदा करेन्ट लागेको जनाइएको छ । मृतकको शवको कानुनी प्रक्रिया पुरा गरी पोस्टमार्टमको लागि दमक अस्पताल लगी परिवारजनलाई शव जिम्मा लगाइसकेको प्रहरीले जनाएको छ ।
प्रकाशित मिति: २०२३-०७-१५ , समय : ०९:४०:३६ , १ वर्ष अगाडि