झापा एक्सप्रेस , ५२३८१ पटक हेरिएको
झापा-झापाको झापा गाउँपालिकामा शसस्त्र प्रहरी माथी अभद्र व्यवहार गरेको आरोपमा प्रहरीले एक जनालाई पक्राउ गरेको छ।
पक्राउ पर्नेमा झापा गाउँपालिका-१ रसुनगन्जका जितेन यादव रहेको प्रहरीले जनाएको छ।सशस्त्र प्रहरीले ड्युटीमा रहेका प्रहरीको गाडीमा ढुङ्गामुडा गर्ने र हातपायीको कोसिस गर्ने चन्द्रमोहन यादव लगायत अन्य ४ जना विरुद्व जाहेरी दिएको थियो।जाहेरीका आधारमा जितेन यादवलाई पक्राउ गरेको र चन्द्रमोहन लगायत अन्य फरार रहेको जिल्ला प्रहरी कार्यालय झापाले जनाएको छ।यस विषयमा थप अनुसन्धान भइरहेको प्रहरीको भनाई छ।
गत असार ३० गते अन्दाजी राती ८ बजे झापा-१ रसुनगन्ज स्थित नेपाल भारत सिमा नजिकैबाट स्थानीय चन्द्रमोहन यादवले नेपाल देखि भारत तर्फ अवैधरुपमा लैजादै गरेको १६८ बोतल मदिरा ससस्त्र प्रहरी बोर्डर आउट पोस्ट टाघनडुब्बाले नियन्त्रणमा लिन खोज्दा झडपको स्थिती सृजना भएको बताइएको छ।
सशस्त्र प्रहरी नायव निरिक्षक केदार श्रेष्ठको कमाण्डमा खटिएको ९ जनाको सशस्त्र टोली गस्ती हिड्ने क्रममा रसुनगन्जमा चन्द्रमोहन यादवले मे २ प ७७६६ नम्बरको मोटरसाइकलमा मदिरा भारत तर्फ लैजादै गर्दा सशस्त्र प्रहरीले नियन्त्रणमा लिन खोज्दा उनले घरका स-परिवार बोलाएर सशस्त्र प्रहरीको गाडीमा ढुङ्गा प्रहार गर्नुका साथै सशस्त्र प्रहरीको बन्दुक समेत खोस्ने प्रयास गरेर अभद्र व्यवहार गर्न खोजेको सशस्त्र प्रहरीले बताएको छ।
यता यस विषयमा वडाध्यक्ष राजकुमार यादवले सशस्त्र प्रहरीले मदिरा नियन्त्रणमा लिन खोज्दा विवाद भएको बताउनु भएको छ।
सिमा आसपासका स्थानीयले नेपालकै बजारबाट सामान खरिद गरि नेपालमै अर्को ठाउँ लाँदा पनि सुरक्षाकर्मीले दु:ख दिने गरेको आरोप लगाउँदै आएका छन् ।केही समय अघि समेत चन्द्रमोहन यादव झापा बजारबाट मोटरसाइकलमा सामान बोकी झापा -१ लसुना तिर जाँदै गर्दा बाटोमा सशस्त्र प्रहरीलाई देखि झापा बजारतर्फ भागेका थिए।उनलाई सामान चेकजाँच गर्न पछ्याउनेक्रममा स्थानीय व्यवसायी र सशस्त्र प्रहरी बिच विवाद समेत भएको थियो।व्यवसायीले एक दिन झापा-२ मा रहेको झापा बजार समेत बन्द गरेका थिए।
स्मरण रहोस झापा गाउँपालिका भारतको बिहारसँग सिमाना जोडिएको छ।भारतको बिहार सरकारले मदिरा प्रतिवन्धित गरेको छ।
प्रकाशित मिति: २०२३-०७-२४ , समय : १६:५५:११ , २ वर्ष अगाडि