झापा एक्सप्रेस , ५१४४० पटक हेरिएको
शरणामती – झापा गाउँपालिका वडा नम्बर ३ मा प्रथम वडाध्यक्ष कप नकआउट फुटबल प्रतियोगीता हुने भएको छ । प्रतियोगीतामा झापा गाउँपालिकाका ७ वटा वडाका फुटबल टिमले सहभागिता जनाउने भएका छन् ।
यहीं कार्तिक २२ गते देखी २४ गते सम्म चल्ने प्रतियोगितामा उद्घाटन खेलमा १.३० बजे समुह ए अन्तरगत वडा ३ र ४ ले प्रतिष्पर्धा गर्नेछन । त्यस्तै सोही दिननै समूह बी अन्तरगत दिउँसो ३ बजे वडा नम्बर २ र ६ प्रतिष्पर्धा गर्नेछन ।र सोही दिन समूह ए मा रहेको वडा १ र ५ ले ४ बजे प्रतिष्पर्धा गर्नेछन् ।त्यस्तै २३ गते समूह बि मा रहेको आयोजक र वडा नम्बर ७ ले प्रतिष्पर्धा गर्नेछन ।२३ गते नै सेमीफाइनलका खेलहरु समेत हुने आयोजकले जनाएको छ ।
प्रतियोगितामा विजेता टिमले नगद १५ हजार सहित ट्रफी,मेडल र प्रमाणपत्र पाउनेछन ।त्यस्तै उपविजेताले नगद १० हजार सहित ट्रफी,मेडल र प्रमाणपत्र पाउने आयोजक समितिका अध्यक्ष ज्ञानबहादुर बस्नेतले झापा एक्सप्रेसलाई बताए ।प्रतियोगिताको आयोजना प्रेम टोल युवा क्लब झापा गाउँपालिका ३ ले गरेको हो ।प्रतियोगिता क्लबकै खेलमैदानमा हुनेछ ।
प्रकाशित मिति: २०२३-११-०६ , समय : १८:२१:२७ , १ वर्ष अगाडि