झापा एक्सप्रेस , ४२०२३ पटक हेरिएको
शरणामती ।झापाको झापा गाउँपालिका वडा नम्बर ३ मा जारी वडा स्तरीय वडाध्यक्ष कप नक आउट फुटबल प्रतियोगितामा वडा नम्बर तीन फाइनलमा प्रवेश गरेको छ।
स्थानीय प्रेम टोल युवा क्लबको खेल मैदानमा बिहिबार भएको खेलमा वडा नम्बर १ लाई ४-१ को गोल अन्तरले हराउँदै वडा नम्बर ३ अन्तिम दुइमा स्थान सुरक्षित गरेको हो। खेलमा वडा नम्बर १ का सेरबहादुर लिम्बु म्यान अफ द म्याच घोषित भए।
त्यस्तै खेल तालिका अनुसार आजै हुने दोस्रो सेमीफाइनल खेल भने निर्णायक हुन सकेन।समय अभावका कारण पहिलो हाफ पछि प्रतियोगिता स्थगित गरिएको छ।वडा नम्बर ६ र ७ अन्तिम दुईका लागि प्रतिष्पर्धा गर्दैछ्न।
सेमिफाइनल चरणको खेल हुनु अघि आजै पहिलो चरणका दुई खेल भएका थिए।जसमा वडा नम्बर १ र ५ बिच भएको प्रतियोगितामा १ ले ट्राइब्रेकरमा ८-७ को गोलान्तरले वडा नम्बर ५ लाई पाखा लगाउंदै सेमिफाइनलको यात्रा तय गरेको थियो।सो खेलमा ५ नम्बरका संजीव यादव म्यान अफ द म्याच घोषित भए।
त्यस्तै पहिलो चरकै दोस्रो खेलमा वडा नम्बर ७ ले ४-१ गोलान्तरले आयोजक माथी जित निकालेको छ।यो सँगै वडा नम्बर ६ सँग सेमिफाइनलको भेट पक्का गरेको हो।यस खेलमा आयोजकका राजु सोरेन म्यान अफ द म्याच घोषित भए।
प्रतियोगितामा विजेता टिमले नगद १५ हजार सहित ट्रफी,मेडल र प्रमाणपत्र पाउनेछन ।त्यस्तै उपविजेताले नगद १० हजार सहित ट्रफी,मेडल र प्रमाणपत्र पाउने आयोजक समितिका अध्यक्ष ज्ञानबहादुर बस्नेतले बताए ।प्रतियोगिताको आयोजना प्रेम टोल युवा क्लब झापा गाउँपालिका ३ ले गरेको हो ।
प्रकाशित मिति: २०२३-११-०९ , समय : २०:१३:४९ , १ वर्ष अगाडि