झापा एक्सप्रेस , ५१३३९ पटक हेरिएको
इलामको सुर्योदय नगरपालिका ३ जिल मा तीन दिवशिय वडा स्तरीय भलिबल प्रतियोगिता हिजो सम्पन्न भएको छ । वडा स्तरीय भलिबलको उपाधी ओएसिस स्पोर्टिङ क्लब जिलले जितेको छ । हिजो सम्पन्न फाइनल खेलमा सयपत्री बिकाश केन्द्र सुर्योदय नगरपालिका वडा नं १३ लक्ष्मीपुरलाई हराउदै ओएसिसले उपाधि माथी कब्जा जमाएको हो ।
ओएसिसले २५-१७, २५-१४, २५-२१ को सेटमा समेटदा सयपत्री बिकाशले २५-२१ अंक बटुलेको थियो । फाइनल खेलको बिजेताले नगद पन्ध्र हजार सहित ट्रफि मेडल र प्रमाणपत्र प्राप्त गर्यो भने उपबिजेता टोलिले नगद आठ हजार सहित ट्रफि मेडल र प्रमाणपत्र प्राप्त गर्यो ।
१२ वडाको उपस्थितिमा सम्पन्न फाइनल खेलमा इलाम जिल्ला क्रिकेट संघ अध्यक्ष तथा क्यानका केन्द्रिय सदस्य अर्जुन पौडेलको प्रमुख आथित्यता तथा उस्सु संघ कोशी प्रदेश सचिव भिम पौडेलको बिशेष आथित्यतामा कार्यक्रम सम्पन्न भएको हो। कार्यक्रममा स्वागत मन्तव्य वाङदी तामाङले राखेका थिए भने प्रादेशिक भलिबल रेफ्री समेत रहेका योगेन्द्र सुबेदीले प्रमुख रेफ्रीको भुमिका निभाएका थिए । हिजो सम्पन्न फाइनल खेल सहित अन्य विभिन्न सांस्कृतिक कार्यक्रमहरु समेत प्रस्तुत गरिएको थियो भने प्रतियोगिता जिल स्पोर्टिङ समुहले आयोजना गरेको संचारकर्मी धड्कन शर्माले जानकारी दिए ।
प्रकाशित मिति: २०२३-११-१९ , समय : ०८:४५:२४ , १ वर्ष अगाडि