झापा एक्सप्रेस , १०७७५३ पटक हेरिएको
उर्लाबारी । किराँत आठपहरिया समुदाय उर्लाबारी—९ ईन्द्रेझोडाले वाडाङ्मेट पर्वको अवसरमा पत्रकार तेजन खड्कालाई सम्मान गरेको छ ।
बिएल नेपाली सेवामा कार्यरत पत्रकार खड्कालाई समाचारको माध्यमबाट दिनदुखी असहाय र बिपन्नलाई सहयोग गरेको भन्दै उक्त संस्थाले सम्मान गरेको हो। पत्रकार खड्कालाई कार्यक्रमका प्रमुख अतिथी उर्लाबारी वडा नम्बर ९ का वडा अध्यक्ष नरबहादुर मोक्तानले सम्मान पत्र प्रदान गरे । सम्मानपत्र ग्रहण गर्दै पत्रकार खड्काले अझैं सामाजिक उत्तरदाहित्व बढेको बताए।
सो कार्यक्रममा संस्थालाई उचाँईमा पुर्याउन महत्वपूर्ण सहयोग गरेको भन्दै उर्लबारी वडा नम्बर ९ का वडा अध्यक्ष नरबहादुर मोक्तान, युवा समाजसेजी तथा अरनिको हस्पिटलका अध्यक्ष लोलिम पोमु, उर्लाबारी वडा नम्बर ९ का वडा सदस्य गणेश किम्दाङ र स्थानीय जनक राईलाई पनि सम्मान गरिएको थियो ।
प्रकाशित मिति: २०२३-१२-१३ , समय : १६:१६:५० , १ वर्ष अगाडि