झापा एक्सप्रेस , ७२७०८ पटक हेरिएको
इलामको माईजोगमाई गाउपालिकामा देवान फुटबल क्लबको आयोजनामा माईजोगमाई गाउपालिका वडा स्तरिय फुटबल प्रतियोगिता संचालन भइरहेको छ ।
वडा नं ४ स्थित नेपाल ज्योती माध्यमिक विद्यालयको खेलमैदानमा खेल संचालन भैरहेको छ । वडा स्तरिय खेलमा हिजोबाट दोस्रो चरणको खेल सुरु भएको छ ।आज भएको दोस्रो चरणको पहिलो खेलमा आयोजक देवान फुटबल क्लबले नौलो गाउँ फुटबल क्लबलाई ७/० गोल अन्तरले हरायो भने दोस्रो खेलमा माईजोगमाई ३ B लाई माईजोगमाई ५ सोयाङले १ का विरुद्ध २ गोल अन्तरले हराएर अर्को चरणमा प्रवेश गरेको छ ।
भोलि पनि दोस्रो चरणको २ खेलहरु यङ ब्वाइज फुटबल क्लब नयाँबजारले ब्रदर्स युनाइटेड फुटबल क्लबको मध्याह्न १२ बजे र माईजोगमाई ३ A सग लभ्ली फुटबल क्लब माईजोगमाई २ दिउँसो २ भिडदैछन । गत पौष २३ गते बाट सुरु भएको खेलमा जम्मा १७ वटा टिमले सहभागी जनाएका छन । माघ ५ गते सम्पन्न हुने फाइनल विजेताले नगद रु ४० हजार मेडल , प्रमाणपत्र र ट्रफी प्राप्त गर्नेछन भने उपविजेता टिमले नगद २५ हजार मेडल , प्रमाणपत्र र ट्रफी प्राप्त गर्ने आयोजक देवान फुटबल क्लबका सचिव बिमल पौडेलले जानकारी दिए । खेल सेभेन साइड फर्म्याटमा संचालन भैरहेको छ ।
प्रकाशित मिति: २०२४-०१-१२ , समय : २०:४९:३४ , ११ महिना अगाडि