Roshan Kafle , ५२६२९ पटक हेरिएको
इलामको माईजोगमाई गाउपालिकामा देवान फुटबल क्लबको आयोजनामा माईजोगमाई गाउपालिका वडा स्तरिय फुटबल प्रतियोगिताको फाइनल आज सम्पन्न भएको छ । वडा नं ४ स्थित नेपाल ज्योती माध्यमिक विद्यालयको खेलमैदानमा जारी फुटबलको फाइनल आज सम्पन्न भएको हो ।यङ ब्वाइज फुटबल क्लब नयाँबजारले माईजोगमाई ३A लाई हराउदै उपाधीमाथी कब्जा जमाएको छ । माईजोगमाई ३ A लाई २ का विरुद्ध १ गोल अंतरले हराउदै यङ ब्वाइजले उपाधी उचालेको हो ।
सेमिफाइनलमा यङ ब्वाइजले माईजोगमाई ५ सोयाङ र माईजोगमाई ३A ले आयोजक देवान फुटबल क्लबलाई हराउदै फाइनलमा स्थान सुरक्षित गरेका थिए । फाइनल जिते सगै यङ ब्वाइजले नगद ४० हजार ट्रफी मेडल र प्रमाणपत्र प्राप्त गरेको छ भने माईजोगमाई ३ A ले नगद २५ हजार ट्रफी मेडल र प्रमाणपत्रमा चित बुझाएको छ ।
खेलको बेष्ट प्लेयर यङ ब्वाइजका लबकुश राई , सर्वाधिक गोलकर्ता माईजोगमाई ३ A का झरन राई , बेष्ट गोलकिपर आयोजक देवान फुटबल क्लबका जगत तामाङ , बेष्ट डिफेन्स माईजोगमाई ३ A का अन्जान प्रधान र अनुसासित खेलाडीमा आयोजक देवान फुटबल क्लबका नवराज लिम्बू घोषित भए । गत पौष २३ गतेबाट संचालित वडा स्तरीय फुटबलमा १७ वटा टिमले सहभागी जनाएका थिए ।
प्रकाशित मिति: २०२४-०१-१९ , समय : २०:३०:०६ , ११ महिना अगाडि