झापा एक्सप्रेस , २२०७२ पटक हेरिएको
शरणामती -झापाको झापा गाउँपालिका-७ को मदरगाछ बजारमा लाग्ने मदरगाछ सांस्कृतिक तथा व्यापार मेलाको विधिवत उद्घाटन गरिएको छ।झापा-७ का वडाध्यक्ष सखीचन्द्र ठाकुरले सो मेलाको विधिवत उद्घाटन गरेका हुन।
मेलाको उद्घाटन गर्दै ठाकुरले यस्ता मेलाले स्थानीय व्यापार प्रवर्धन हुनुको साथै मदरगाछ्को नाम समेत रहने बताए।
कार्यक्रममा मेला व्यवस्थापन समितिका संयोजक ताराबिर पाण्डेले मेलामा सबैलाई सहयोग गर्न आग्रह गरे।
सामाजिक अगुवा प्रेम प्रसाइले पहिलो पटक यस्तो मेलाको आयोजना भएकोमा खुसी व्यक्त गरे।
दिपज्योती युवा क्लबका अध्यक्ष डिल्लीराम चुडालको अध्यक्षतामा भएको उद्घाटन कार्यक्रमको संचालन सचिव बासु दाहालले गरेका थिए।कार्यक्रममा क्लबका उपाध्यक्ष तेज श्रेष्ठले स्वागत मन्तव्य राखेका थिए।
दिपज्योती युवा क्लब र जेएस फिल्म प्रोडक्सन प्राली काठमान्डौको संयुक्त आयोजनामा हुँदै गरेको मेला फागुन २५ गते देखि चैत्र ६ गते सम्म लाग्नेछ।आज सुक्रबार साँझ गायक कमल खत्री र सुरेश धिमाल अन्तरा व्यान्डले प्रस्तुती दिदैछन।
प्रकाशित मिति: २०२४-०३-०८ , समय : १७:४६:३२ , १० महिना अगाडि