झापा एक्सप्रेस , २१२०२ पटक हेरिएको
झापा – युवासंघ झापा गाउँपालिकाले झापाको झापा गाउँपालिकामा वृक्षारोपण गरेको छ .युवा संघले एक युवा पाँच बिरुवा कार्यक्रम अन्तर्गत झापा गाउँपालिकामा वृक्षारोपण गरेको हो .
अन्तराष्ट्रिय युवा दिवसको सन्दर्भमा युवा संघले झापा गाउँपालिकाको नमुना प्रावि,त्रिभुवन आवी ,लक्ष्मी प्रावि ,भानुभक्त आवी लगायतका विद्यालयका परिसरमा वृक्षारोपण गरेको छ .
पहिलो चरणमै तिन सय विरुवा रोप्ने लक्ष्य राखिएको युवा संघ झापा गाउँपालिकाका सचिव किरण रसायलीले बताउनु भयो .
ग्लोबल वार्मिङ्ग बढिरहेको बेला राष्ट्रिय युवा संघले वृक्षारोपण कार्यक्रम ल्याएको युवा संघका अध्यक्ष अशोक लिम्बुले बताउनु भयो .
एक बिशेष कार्यक्रमको आयोजना गरी नमुना प्राविबाट वृक्षारोपण कार्यक्रमको थालनी गरिएको थियो .युवा संघ झापा गाउँपालिकाका अध्यक्ष अशोक लिम्बुको अध्यक्षता र नेकपा एमाले कोशी प्रदेस कमिटि सदस्य गजेन्द्र ताम्लीको प्रमुख आतिथ्यतामा भएको कार्यक्रममा पालिका तथा जिल्लाका नेताहरुको उपस्थिती रहेको थियो .
प्रकाशित मिति: २०२४-०८-१४ , समय : १८:५३:५६ , ४ महिना अगाडि