झापा एक्सप्रेस , ४५६६ पटक हेरिएको
झापा / झापाको झापा गाउँपालिका – ३ फुलगाछीमा खुल्ला वडाध्यक्ष टी– १० क्रिकेट प्रतियोगिता शुरु भएको छ । प्रतियोगिताको झापा गाउँपालिकाका कार्हबाहक अध्यक्ष अन्जुदेवी थपलियाले बिहिबार उद्घाटन गर्नुभयो ।
उद्घाटन खेलमा राजगढ़ क्रिकेट क्लब विजयी भएको छ । आयोजकलाई ३५ रनले पराजित गर्दै राजगढ़ले विजयी सुरुवात गरेको हो ।टस जितेर ब्याटिंग गरेको राजगढले आयोजकलाई ८९ रनको लक्ष्य दिएको थियो .तर आयोजक दश ओभरको खेलमा ५३ रनमै खुम्चिन पुगेको थियो ।
त्यस्तै आजै भएको दोस्रो खेलमा ब्रोदर्स क्रिकेट क्लब बिजयी भएको छ । प्रगतीशील क्रिकेट क्लब बिर्तामोडलाई ७४ रनले पराजित गर्दै ब्रोदर्स क्रिकेट क्लब बिजयी बनेको हो । टस जितेर ब्याटिंग रोजेको ब्रोदर्सले बिर्तामोडलाई जितका लागी १३९ रनको लक्ष्य दिएको थियो ।
त्यस्तै आजै भएको तेस्रो खेलमा महमारी क्रिकेट क्लब बिजयी बनेको छ ।महमारीले झिलझिले क्रिकेट क्लबलाई ५ विकेटले पराजित गरेको हो ।
त्यस्तै आजै भएको चौथो खेलमा चकचकी क्रिकेट क्लब बिजयी बनेको छ । चकचकीले बेलायतीबारी क्रिकेट क्लबलाई ५ विकेटले पराजित गरेको हो ।
फुलगाछी क्रिकेट क्लबको आयोजनामा भएको प्रतियोगितामा विजेता टिमले नगद २१ हजार र उपविजेता टिमले नगद १५ हजार सहित ट्रफी मेडल र प्रमाणपत्र प्राप्त गर्नेछन .त्यस्तै बेस्ट ब्याट्समेन र बेस्ट बलरले नगद १/१ हजार सहित ट्रफी प्राप्त गर्ने आयोजक समितिका अध्यक्ष मोहन मण्डलले जानकारी दिए ।
वडा नम्बर ३ का वडासदस्य कुमार राईले संचालन गरेको उद्घाटन कार्यक्रममा वडाध्यक्षहरु सुबासलाल गणेश ,सखिचन्द्र ठाकुर,समाजसेवीहरु जयनारायण शाह,सागीरथ गणेश ,दिलिप बिश्वकर्मा लगायतको उपस्थिती रहेको थियो ।कार्यक्रमको स्वागत टार्जन श्रेष्ठले गर्नुभएको थियो ।प्रतियोगिता उद्घाटनको दिन संयोगबस झापा गाउँपालिकाका कार्यबाहक अध्यक्ष अन्जुदेबी थपलियाको जन्मदिन परेकाले आयोजकले केक काटेर जन्मदिन समेत मनाएको थियो ।
प्रकाशित मिति: २०२४-०९-१९ , समय : १९:५८:१२ , ३ महिना अगाडि