झापा एक्सप्रेस , ६४१९ पटक हेरिएको
झापा / झापाको झापा गाउँपालिका – ३ फुलगाछीमा जारी खुल्ला वडाध्यक्ष टी– १० क्रिकेट प्रतियोगितामा आज ४ खेल सम्पन्न भएको छ ।
रानी सामुदायीक बनको खेलमैदानमा आज भएको पहिलो खेलमा लुहागाछी क्रिकेट क्लब भारत विजयी भएको छ । राइजिंग स्टार झापालाई ५९ रनले पराजित गर्दै लुहागाछी बिजयी बनेको हो ।टस जितेर ब्याटिंग गरेको लुहागाछीले राईजिंग स्टारलाई १२२ रनको लक्ष्य दिएको थियो ।
त्यस्तै आजै भएको दोस्रो खेलमा महमारी क्रिकेट क्लब भारत बिजयी भएको छ । लुहागाछी क्रिकेट क्लब भारतलाई ६ विकेटले पराजित गर्दै महमारी क्रिकेट क्लब बिजयी बनेको हो ।
त्यस्तै आजै भएको तेस्रो खेलमा पन्थापाडा क्रिकेट क्लब बिजयी बनेको छ ।पन्थापाडाले के.जी.एफ क्रिकेट क्लब भारतलाई ६ विकेटले पराजित गरेको हो ।
त्यस्तै आजै भएको चौथो खेलमा चर्तागाछी क्रिकेट क्लब बिजयी बनेको छ । चर्तागाछीले आयोजक बि लाई पराजित गरेको हो ।
फुलगाछी क्रिकेट क्लबको आयोजनामा भएको प्रतियोगितामा विजेता टिमले नगद २१ हजार र उपविजेता टिमले नगद १५ हजार सहित ट्रफी मेडल र प्रमाणपत्र प्राप्त गर्नेछन .त्यस्तै बेस्ट ब्याट्समेन र बेस्ट बलरले नगद १/१ हजार सहित ट्रफी प्राप्त गर्ने आयोजक समितिका अध्यक्ष मोहन मण्डलले जानकारी दिए ।प्रतियोगीता प्रथम पुरस्कार हाल इजरायलमा कार्यरत विश्व खरेलले प्रायोजन गर्नु भएको हो ।त्यस्तै दोस्रो पुरस्कार हाल काठमान्डुमा कार्यरत नितेश श्रेष्ठले प्रायोजन गर्नुभएको आयोजकले जनाएको छ ।त्यस्तै बेस्ट ब्याट्समेन र बेस्ट बलरलाई पुरस्कार र खेललाई सहयोग धिरेन्द्र गणेशले समेत गर्नुभएको छ ।प्रतियोगीता संचालनमा बैदेशिक रोजगारमा कार्यरत जितबहादुर खड्का ,मोहन गणेश र जोगेन्द्र गणेश सहित स्थानीय खेलप्रेमी साथै वडा नम्बर ३ को समेत आर्थिक सहयोग रहेको आयोजकले जनाएको छ ।
प्रकाशित मिति: २०२४-०९-२० , समय : २०:४४:२६ , ३ महिना अगाडि