झापा एक्सप्रेस , ५९६१ पटक हेरिएको
झापा-नेपाल रेडक्रस सोसाइटी शरणामती उपशाखाले आफ्नो नौ औं वार्षिक साधारणसभा सम्पन्न गरेको छ।रेडक्रस शरणामतीले शनिबार शरणामतीमा रहेको आफ्नै भवनको सभाहलमा साधारणसभा सम्पन्न गरेको हो।
साधारणसभाकै अवसरमा रेडक्रसले दुई जनालाई सम्मान समेत गरेको छ।मानविय सेवामा हरपल खटिएको भन्दै केशब बजगाईं र काजी राउतलाई सम्मान गरेको हो।
साधारणसभामा नेपाल रेडक्रस सोसाइटी शरणामती उपशाखाका सभापती महेन्द्र प्रसाईले बार्षिक प्रतिवेदन समेत प्रस्तुत गर्नुभयो।
शरणामती उपशाखाका सभापती महेन्द्र प्रसाईंको सभापतित्व र झापा गाउँपालिकाका कार्यबाहक अध्यक्ष अन्जु देवी थपलियाको प्रमुख आतिथ्यतामा साधारणसभा सम्पन्न भएको हो।
तुलसीराम प्याकुरेल (सुमन) ले सन्चालन गरेको कार्यक्रममा नेपाल रेडक्रसका झापा जिल्ला सभापती लोकराज ढकाल,सामाजिक ब्यक्तित्व जयनारायण शाहको बिशिस्ट आतिथ्यता र पूर्व सभापतीहरु टीक प्रसाद कट्टेल , जगन्नाथ राजवंशी र विभिन्न संघ संस्थाका प्रतिनिधिहरुको उपस्थिती रहेको थियो।
कार्यक्रममा साधारणसभासँगै अधिबेशन समेत सम्पन्न भएको छ।अधिबेशनले निर्वाचन तालिका प्रकाशन गरेको छ।असोज १६ गते मतदान गर्नेगरि निर्वाचन तालिका प्रकासन गरेको हो।
प्रकाशित मिति: २०२४-०९-२२ , समय : १४:३४:१६ , ३ महिना अगाडि