झापा एक्सप्रेस , २४९२७ पटक हेरिएको
माईजोगमाई ४ मा जारी भिआरसी भीम बहादुर देवान स्मृति खुल्ला फुटबल प्रतियोगिता अन्तर्गत सेमिफाइनल समीकरण पूरा भएको छ ।
रेड डेभिल्स नयाँबजार र न्यु स्टार सोयाङ बिच भएको पहिलो क्वाटरफाइनल खेलमा पहिलो हाफमा रेड डेभिल्सका विरेन लिम्बुले गरेको गोल गर्दै टिमलाई १/० को अग्रता दिलाए। दोस्रो हाफमा पुन: विरेनले गोल गर्दै टिमलाई दोब्बरको अग्रता दिलाउदै न्यु स्टारलाई २/० गोल अन्तरले पराजित गर्दै सेमिफाइनमा स्थान सुरक्षित गरेको हो ।
त्यस्तै आजै दोस्रो खेल देवान फुटबल क्लब र पूर्व क्षितिज सोयाङ बिच भएको थियो ।देवान फुटबल क्लबले ४/० गोल अन्तरले पूर्व क्षितिजलाई पराजित गर्दै सेमिफाइनल प्रवेश गरेको छ । देवानको तर्फबाट जोसेफ राइले २ गोल गरे भने सन्तोष मगर र आदर्श गुरुङ्गले १/१ गोल गरे । भोलि दुवै सेमिफाइनलका खेलहरु सम्पन्न हुनेछ । पहिलो सेमिफाइनलमा आयोजक ज्योती स्पोर्टिङ क्लबले सिजिएफसी चारघरे सँग प्रतिस्पर्धा गर्ने छ भने रेड डेभिल्स नयाँबजारले देवान फुटबल क्लब सँग फाइनलको लागि भिडन्त गर्ने छ ।
गत असोज १६ गतेबाट संचालन भएको फुटबलको फाइनल आगामी असोज २४ गते हुदैछ । फाइनल जित्ने टिमले नगद सत्तरी हजार , आकर्षक ट्रफी ,मेडल र प्रमाणपत्र प्राप्त गर्नेछ भने उपविजेता टीमले नगद पचास हजार , ट्रफी, मेडल र प्रमाणपत्र प्राप्त गर्ने आयोजक ज्योती स्पोर्टिङ क्लबले जानकारी दिएको छ ।
प्रकाशित मिति: २०२४-१०-०७ , समय : २१:४५:१२ , २ महिना अगाडि