झापा एक्सप्रेस , १५१५९ पटक हेरिएको
शंखाबुङ युथ क्लबको आयोजनामा भोलिबाट हुने प्रथम शंखाबुङ गोल्डकपको खेल तालिका सार्वजनिक भएको छ । आज आयोजकले खेल तालिका सार्वजनिक गरेको हो ।
२५ टोलि सहभागी हुने खेलको फाइनल कार्तिक २५ गते सम्पन्न हुने आयोजकले जनाएको छ ।उद्घाटन खेलमा मलिम युनाइटेडले पूर्वछितिजको सामना गर्नेछ । भने पर्सिबाट ३ खेलहरु हुनेछ ।
शंखाबुङ युथ क्लब माईजोगमाई १ शंखाबुङको आयोजनामा शुभ दिपावलीको अवसरमा फुटबल खेल संचालन हुन लागेको हो। भोलि बाट संचालन हुने खेलको सम्पूर्ण तयारी पूरा भएको आयोजकले जानकारी दिएको छ ।
फाइनल जित्ने टोलिले नगद रु पचास हजार आकर्षक ट्रफि मेडल र प्रमाणपत्र प्राप्त गर्ने छ भने उपविजेता टिमले नगद रु तीस हजार ट्रफी मेडल र प्रमाणपत्रमा चित्त बुझाउने छ , साथै उत्कृष्ट खेलाडी , उत्कृष्ट डिन्फेडर , उत्कृष्ट गोलरक्षक लगायतलाई पनि पुरस्कारको व्यवस्था गरिएको छ । खेल सेभेन साइड फर्म्याटमा संचालन हुनेछ भने शारदा आधारभूत विद्यालयको खेलमैदानमा खेलहरु संचालन हुनेछ ।
प्रकाशित मिति: २०२४-१०-२७ , समय : १८:२९:४१ , २ महिना अगाडि