झापा एक्सप्रेस , ६७७१२ पटक हेरिएको
शरणामती – झाप़ाको झापा गाउँपालिका वडा नम्बर ५ मा दोस्रो वडाध्यक्ष कप फुटबल प्रतियोगिता शुरु भएको छ .यहाँ स्थित नवदुर्गा युवा क्लबको आयोजनामा प्रतियोगीता शुरु गरिएको हो .
झापा गाउँपालिकाकी कार्यबाहक अध्यक्ष अन्जु देवी थपलिया,वडाध्यक्ष कृष्णप्रसाद राजबंशी लगायतले प्रतियोगिताको उद्घाटन गर्नुभयो .
राम जानकी आधारभुत विद्यालयको खेल मैदानमा शुरु भएको उद्घाटन खेलमा आयोजकलाई हराउदै भामटोली फुटबल क्लब झापा-४ विजयी भएको छ .आयोजकलाई २-० ले हराउदै भामटोली विजयी बनेको हो .
त्यस्तै आजै भएको दोस्रो खेलमा जल्पा सिटी एफसी बाह्रदसीलाई १-० ले हराउदै झापा -१ सितुमारी विजयी बनेको छ .
त्यस्तै आजै भएको तेस्रो खेलमा बेलायतीबारीले ट्राइबेकारमा ४-३ को गोल अन्तरले झापा -३ फुलगाछीलाई पाखा लगाएको छ .निर्धारित समयमा १/१ गोलको बराबरी भएपछी खेल ट्राइबेकरमा धकेलिएको थियो .
देव गणेशले संचालन गरेको कार्यक्रममा कार्यबाहक अध्यक्ष अन्जुदेवी थपलिया,वडाध्यक्ष कृष्णप्रसाद थपलिया लगायतले शुभकामना मन्त्यब्य राख्नु भएको थियो .
२१ गते सम्म चल्ने प्रतियोगितामा विजेताले १५ हजार र उपविजेताले १० हजार नगद सहित मेडल.ट्रफी र प्रमाणपत्र प्राप्त गर्ने आयोजक समितिका अध्यक्ष संजितलाल यादवले बताउनुभयो .
प्रकाशित मिति: २०२४-११-०४ , समय : २०:४६:१८ , १ महिना अगाडि