झापा एक्सप्रेस , १०४७१ पटक हेरिएको
झापा । झापाकाे कचनकवलमा जंगली हात्तीकाे आक्रमणबाट एक महिलाको मृत्यु भएको छ ।
मृत्यु हुनेमा कचनकवल गाउँपालिका-७ निवासी अन्दाजी ३५ वर्षीया केलाबत्ती राजवंशी रहेको जिल्ला प्रहरी कार्यालय झापाले जनाएको छ । प्रहरीका अनुसार बुधबार दिउँसो १२ बजेकाे समयमा कचनकवल- ७ तारावनास्थित दिपज्याेति सामुदायिक वनमा १५/२० महिलाहरू घाँस, दाउरा काट्न गएकी थिइन् । साेही क्रममा एउटा हात्तीले राजवंशीलाई लखेटका थिए । लखेट्दा उनी जंगलमा हराएपछि उनीसँगै गएका अन्य महिलाहरूले तत्काल प्रहरीलाई खबर गरेका थिए । ईलाका प्रहरी कार्यालय बनियानीले खाेज्ने क्रममा दिउँसो ४:४० बजे उनलाई घाइते अवस्थामा उद्वार गरी
ओमसाई पाथिभरा अस्पताल भद्रपुर पुर्याएकी थिइन । त्यहाबाट थप उपचारको लागी प्रादेशिक अस्पताल भद्रपुर लगेको र उनकाे उपचारको क्रममा ५:१० बजे मृत्यु भएकाे प्रहरीले जनाएको छ ।
प्रकाशित मिति: २०२५-०१-०१ , समय : १९:०३:४९ , ३ दिन अगाडि