झापा एक्सप्रेस , ३७५७ पटक हेरिएको
कनकाई
झापाको कनकाई नगरपालिकाले महिलाहरुलाई धमाधम स्वरोजगार बन्ने तालिम दिदै आएको पाईएको छ। नगरका सबै वडामा छुट्टाछुट्टै स्वरोजगार बन्ने विभिन्न तालिमहरु दिदै आएको पाईएको हो। नगरका नौ वटै वडामा रहेका विभिन्न महिलासमुहलाई आफ्नै ठाउँमा पनि केही उत्पादन मुलक तथा दैनिक जीवनमा प्रयोग हुने सामाग्री उत्पादन गरि आत्मनिर्भर बन्न सकिन्छ भन्ने उद्येश्यले नगर तथा वडाकार्यलय हरुले हरेक वर्ष बजेट विनियोजन गरि यस्ता तालिम दिदै आएको पाईएको हो।
चालू आर्थिक वर्षमा कनकाईका नौ वटै वडामा रहेका सबै महिला समुहहरुको माग र आवश्यकता अनुसार साबुन सरफ बनाउने, लिकुईट , हर्पिक , फिनेल बनाउने , त्यसैगरी सिलाई- कटिङ्गको तालिम , माला झोला बनाउने तालिम, ब्युटिसियन तालिम, पन्चेबाजा बजाउने तालिम, ड्राईभिङ्ग तालिम , उद्वघोषण तथा माइनट लेखन तालिम, मन्टेश्वरी तालिम लगायत दर्जनौ तालिमहरु दिईरहेको छ।
यसैबीच कनकाई वडान १र ७ मा कार्यक्षेत्र रहेको बिहानी महिला समुहको आयोजनामा दुई दिवसीय साबुन तथा सरफ बनाउने तालीम सम्पन्न भएको छ।
कनकाई नगरपालिका वडा न १ स्थित कनकाई बिहानी क्लबको सभाहलमा सामाजिक एकता हाम्रो प्रतिवद्वता सहित सीप सिकौं अर्थोपार्जन गरौं “भन्ने मुल नाराका साथ बिहानी महिला समुहको आयोजना तथा नगरपालिकाको आर्थिक सहयोगमा दुई दिवसीय साबुन तथा सरफ बनाउने तालीम शनिबार (आज) सम्पन्न भएको हो।
आयोजक संस्था बिहानी महिला समुहकी अध्यक्ष ईन्दिरा भुजेल (मन्जु)को सभापतित्वमा भएको तालिमको समापन कार्यक्रमका प्रमुख अतिथि नगर उपप्रमुख आशाशर्मा शिवाकोटी रहनुभएको थियोे ।
कार्यक्रमलाई सम्बोधन गर्दै प्रमुख अतिथि शिवाकोटीले यस्ता तालिमहरु लिएर आत्मनिर्भर सहित स्वरोजगार बन्न सुझाव दिनुभएको थियो ।उहाँले सिकेको सिपलाई सहि सदुपयोग गरि आफू सहित परिवारलाई समेत रोजगारको अवसरको बाटो अवलम्बन गर्न सुझाव दिनुभएको हो।
कार्यक्रमका विशिस्ट अतिथि वडा न २ का अध्यक्ष वलराम राई (प्रताव)ले यो तालिम सानो नभई ठूलो हो र तालीमले आफू सहित पारिवारिक जीवन चलायमान बनाउन मद्धत मिल्ने विश्वास व्यक्त गर्नुभयो । उहाँले यस्ता तालिम लिएर आफैंले रोजगार मुलक काम गरे परिवार तथा समाजले नै महिला दिदीबहिनीहरुलाई हेर्ने दृस्ठिकोण नै फरक हुने भन्दै सबै मिलेर सीप सिक्दै अर्थोपार्जनको बाटो रोज्नुपर्नेमा जोड दिनुभयो ।
कनकाई बिहानी क्लबको सभाहलमा नगरका वडा न १,२,६,र ७ का महिला दिदिबहिनीहरुलाई सहभागी गराई दुई दिवसीय साबुन तथा सरफ बनाउने तालीम सम्पन्न गरेको हो। तालिमामा वडा न २,६,७ बाट ४-४ जनाको सहभागिता रहेकोे छ भने वडा न १बाट नौ वडा टोलका २-२ जनाका दरले १८ जना आयोजक बिहानी महिला समुहका ११ जना र अन्य १५ जना गरि ५५ जनाको सहभागिता रहेको आयोजक महिला समुहकी कोषाध्यक्ष तुलसा थापाले जानकारी दिनुभयो ।
दुई दिवसीय तालिमको अनुभवी तथा विज्ञ मुख्य प्रशिक्षकमा रुद्र भट्टराई र सीता बानियाँ र साहायक प्रशिक्षकमा पुजन बास्तोला र शुस्मा भट्टराई रहनुभएको छ। उहाँहरुले अहिले बनाईरहेको साबुन तथा सरफ प्रयोग गर्न राम्रो र अर्ग्यानिक रहेकोे मुख्य प्रशिक्षक भट्टराईले जानकारी समेत गराउनुभएको थियोे।
तालीम समापन कै अवसरमा सिकेको सीप कसरी प्रयोग गर्ने उत्पादन भएका सामाग्रीलाई बजारीकरण कसरी गर्ने भन्ने लगायतको एउटा सेसन समेत कनकाई बिहानी क्लबकी सचीव निर्मला बस्नेतले गर्नुभएको थियोे ।
यता तालिम प्राप्त गर्ने अवसर उपलब्ध गराएकोमा आयोजक बिहानी महिला समूह सहित नगरपालिकालाई धन्यवाद दिदै प्रशिकक्षार्थी बिष्णु कोईराला , दिपा चापागाईं( बास्कोटा) रिता मिश्र लगायतले आगामी दिनमा समेत यस्ता अवसर प्रदान गर्न आग्रह गरेका थिए ।
कार्यक्रममा वडा सदस्य दलबहादुर थापा , निर्मला खड्का,कनकाई बिहानी क्लब अध्यक्ष लोकनाथ उप्रेती ,
वडा न १ स्थित टोल न ३ का टोल संयोजक चुडामणिा ढकाल वडाका टोल संयोजक, महिला समुहका अध्यक्ष तथा प्रतिनिधि लगायतको आतिथ्यता रहेको थियोे ।
आयोजक संस्था बिहानी महिला समुहकी कोषाध्यक्ष तुलसा थापाले स्वागत गरेको कार्यक्रमको सन्चालन आयोजक संस्था बिहानी महिला समुहकी सचीव शुरेखा शुरेखा शर्मा कार्कीले गर्नुभएको थियोे ।
केही समय अघि वडा न; १ मा रहेको सहजीकरण महिला समुहको आयोजनामा वडा न ;१ को आर्थिक सहयोगमा पोते जुरा माला लगायत सीप सिकाएको थियोे भने वडाका एकल महिलाहरूको नेतृत्वमा फिनेल , लिकुईट र धुप बनाउने सीप सिकाएको थियोे ।
वडा न. १ मा नै १ महिने जुनियर डिप्लोमा मन्टेश्वरी तालीम समेत सिकाएको थियोे भने शान्ति महिला समुहको आयोजनामा ३ दिने झोल साबन लिकुईट ,फिनेल तथा हर्पिक बनाउने तालिम सम्पन्न गराएको छ ।
यसैगरी अन्य वडामा समेत महिला लक्षित तालीमहरु दिदै स्वरोजगारमुलक उत्पादनमा जोड दिदै आएको वडाकार्यलयहरुले जनाएका छन् ।
प्रकाशित मिति: २०२५-०४-०३ , समय : १९:३५:१२ , २१ घन्टा अगाडि