झापा एक्सप्रेस , १२७९५ पटक हेरिएको
शरणामती।झापाको झापा गाउँपालिकामा नवनिर्वाचित जनप्रतिनिधिले सपथ ग्रहण गरेका छन् ।बुधवार भएको कार्यक्रमका विच जनप्रतिनिधिले सपथ ग्रहण गरेका हुन् ।
गाउँपालिकाको कार्यालयमा आयोजना गरीएको प्रमाणपत्र वितरण तथा सपथ ग्रहण कार्यक्रममा अध्यक्ष जयनारायण साहले उपाध्यक्ष अन्जुदेवी थपलिया सहित नवनिर्वाचित ३६ जना जनप्रतिनिधिहरुलाई पद तथा गोपनीयताको सपथ गराएका छन्।
यसअघि अध्यक्ष साहले झापा जिल्ला अदालतका न्यायाधीश तथा मुख्य निर्वाचन अधिकृत गिरीराज गौतमबाट पद तथा गोपनियताको सपथ लिएका थिए।
निर्वाचन अधिकृत मानबहादुर घिमिरेको अध्यक्षता र नवनिर्वाचित अध्यक्ष जयनारायण साहको प्रमुख आतिथ्यतामा सम्पन्न कार्यक्रममा ,नेपाली कांग्रेसका झापा जिल्ला सभापती देउकुमार थेवे,नेकपा एमाले झापा गाउँपालिका अध्यक्ष गजेन्द्र ताम्ली,लोकतान्त्रिक समाजवादी पार्टीका झापा गाउँपालिका अध्यक्ष प्रभु यादव ,नेपाल शिक्षक महासंघ झापा गाउँपालिका अध्यक्ष जगन्नाथ राजबंशी लगायतले शुभकामना मन्तव्य राखेका थिए । कार्यक्रममा प्रमुख प्रशासकिय अधिकृत खेमराज थापाले स्वागत तथा शिक्षा साखा प्रमुख जिवनप्रसाद ढकालले सञ्चालन गरेका थिए ।
जनप्रतिनिधिले सपथ ग्रहण पछि आजै पदभार ग्रहण गर्ने बताइएको छ।
प्रकाशित मिति: २०२२-०५-२५ , समय : १५:०२:०८ , ३ वर्ष अगाडि