झापा एक्सप्रेस , ४१४७४ पटक हेरिएको
शरणामती-बिर्तामोडमा जारी अन्तर पालिका स्तरीय कर्मचारी नकाउट फुटबल प्रतियोगितामा झापा गाउँपालिका सेमिफाइनलमा प्रवेश गरेको छ । कनकाईलाई ट्राइवेकरमा ४ को विरूद्द ५ गोल अन्तरले पराजित गर्दै झापा सेमिफाइनलमा प्रवेश गरेको हो ।
खेल संचालन भएको २७ मिनेटमा कनकाईका डिल्लीराम विस्वकर्माले पहिलो गोल गर्दै टिमलाई १-० को अग्रता दिलाएका थिए । दोस्रो हाफमा झापाका राजु उरावले गोल फर्काउदै खेललाई बराबरीमा ल्याएका थिए ।
निर्धारित समयमा एक एक गोलको बराबरी भएपछि खेल ट्राईवेकरमा धकेलिएको थियो । झापाका गोल रक्षक प्रमुख प्रसाशकिय अधिकृत गजेन्द्र थपलियाको उच्च बचावटसंँगै झापाले सेमिफाइनलको यात्रा तय गरेको कर्मचारी उदय मैनाली बताए ।
प्रकाशित मिति: २०२३-०४-०१ , समय : २१:३४:५१ , २ वर्ष अगाडि