झापा एक्सप्रेस स्व.आमाको स्मृतिमा अधिकारी दम्पतीद्वारा वृद्ध आमाहरुलाई खानेकुरा , २७२७९ पटक हेरिएको
शरणामती।माता तिर्थ औंसी(आमाको मुख हेर्ने )दिन झापाको झापा गाउँपालिका -३ कामाटोली निवासी सागर र अनिता अधिकारी दम्पतीले वृद्दाश्रममा रहेका वृद्धहरुलाई खानेकुरा र केही रुपैयाँ दिएर स्वर्गीय आमाको स्मरण गरेका छन् ।
अधिकारी दम्पतीले कनकाई नगरपालिका कोटीहोमको वृद्दाश्रममा रहेका वृद्ध आमाहरुलाई केही खानेकुरा र रुपैयाँ वितरण गरेका हुन।
सागर अधिकारीकी आमा स्व. रमादेवी अधिकारीले संकटकालको बेला २०६२ साल असार १९ गते शाही नेपाली सेनाको गोली लागि सहादद प्राप्त गर्नु भएको थियो।उहाँ एक समाजसेवी समेत हुनुहुन्थ्यो।उहाँलाई हाल देशले सहिद घोषणा समेत गरेको छ।उनै आमाको स्मरणमा अधिकारी दम्पतीले वृद्ध आमाहरुलाई खानेकुरा र रुपैयाँ वितरण गरेका हुन् ।
प्रकाशित मिति: २०२३-०४-२१ , समय : १६:४६:५३ , २ वर्ष अगाडि