झापा एक्सप्रेस , ६२०४६ पटक हेरिएको
झापा-झापामा माेटरसाइकलकाे ठक्करबाट घाइते पैदल यात्री वृद्धकाे उपचारकाे क्रममा शनिबार विहान मृत्यु भएकाे छ ।
मृत्यु हुनेमा झापा गाउँपालिका- ६ निवासी ८४ वर्षीय भोलानाथ सिटौला रहेकाे जिल्ला प्रहरी कार्यालय झापाका डीएसपी खगेन्द्रप्रसाद रिजालले जानकारी दिए । प्रहरीका अनुसार शुक्रबार दिउँसो ३ बजेको समयमा झापा गाउँपालिका- ६ शरणामतीस्थित पन्थपाँडा- शरणामती भित्री सडक खण्डमा दक्षिणबाट उत्तर तर्फ जाँदै गरेको प्र १-०१-०१३ प ८९४१ नम्बरकाे माेटसाइकलले पैदल यात्री सिटौलालाई ठक्कर दिएको थियाे । दुर्घटनामा परी घाइते भएका सिटौलालाई तत्काल उपाचार लागि बिर्तासिटी अस्पताल बिर्तामोडमा लगिएको र उनकाे आज विहान उपचारकाे क्रममा मृत्यु भएकाे डीएसपी रिजालले बताए ।
यता माेटरसाइकल चालक झापा गाउँपालिका -५ बस्ने नन्दकिशोर पोदारलाई प्रहरीले नियन्त्रणमा लिएकाे छ । माेटरसाइकलबाट लडदा उनकाे बायाँ खुट्टामा चोट लागेकाे प्रहरीले जनाएकाे छ ।
प्रकाशित मिति: २०२३-०७-०१ , समय : १४:४१:१९ , १ वर्ष अगाडि