झापा एक्सप्रेस , १२४८४ पटक हेरिएको
शरणामती।झापाको झापा गाउँपालिका-७ मदरगाछ स्थित साउथ होराइजन अंग्रेजी माध्यमिक विद्यालयले विद्यार्थीहरुको विदाई गरेको छ।कक्षा १० सम्म अध्ययन हुने विद्यालयले कक्षा १० मा अध्ययनरत १६ जना विद्यार्थीलाई बिदाई गरेको हो।
कनकाई-३ सुरुङ्गा स्थित होटेल क्विन प्यालेसमा भएको कार्यक्रममा एसइइ दिन लागेका उनीहरुको सुनौलो भविष्यको कामना गरिएको थियो।
विद्यालय व्यवस्थापन समितिका अध्यक्ष मुक्ती बानीयाँको अध्यक्षता र शिक्षासेवी तथा अभिभावक छत्रप्रसाद पाण्डेको प्रमुख आतिथ्यतामा भएको कार्यक्रममा नेत्र सिटौला,सुबास डाँगी,शिक्षक बिबेक मिश्र लगायतले शुभ कामना मन्तव्य राखेका थिए।
शुभकामना मन्तव्य राख्दै प्रमुख अतिथी पाण्डेले डिग्री ल्याउने दायीत्व अब एसइइ दिन लागेका विद्यार्थीहरुको काँधमा रहेको बताउनु भयो।
प्रधानाध्यापक नवराज सुवेदीले संचालन गरेको कार्यक्रमको स्वागत लिला कटुवालले गर्नुभएको थियो।
प्रकाशित मिति: २०२४-०३-२३ , समय : १९:०४:१३ , ९ महिना अगाडि