झापा एक्सप्रेस , ७७५२८ पटक हेरिएको
बिर्तामोड : नेपाल ब्यापार कर्मचरी संघ (युनिकम) नेपालले होली बिशेष सुरक्षा सम्बन्धी जनचेतनामुलक कार्यक्रम गरेको छ । युनिकम बिर्तामोड नगरको सह आयोजना तथा युनिकम झापा जिल्लाको आयोजनामा आज शनिबार बिहान बिर्तामोड स्थित दुर्गा मन्दिर परिसरमा जनचेतनामुलक कार्यक्रम गरेको हो ।
जिल्ला ट्राफिक प्रहरी कार्यालय झापा र इलाका प्रहरी कार्यालय बिर्तामोडको सहकार्यमा भएको कार्यक्रममा प्रमुख अतिथि युनिकम नेपालका अध्यक्ष गजेन्द्र बहादुर पौडेलले होली पर्वलाई सभ्य र भब्य रुपमा मनाउन सबैलाई आग्रह गरे ।
आत्मीयरूपमा नजिक भएका व्यक्ति वा आफन्तसँग मात्र होली खेल्न, होली पर्वको नाममा उच्छृङ्खल क्रियाकलाप नगर्न युनिकम का अध्यक्ष पौडेलले आग्रह गरेका छन् ।
कार्यक्रममा बोल्दै जिल्ला ट्राफिक प्रहरी प्रमुख नबराज न्यौपाने र इलाका प्रहरी कार्यालय बिर्तामोडका डिएसपी सुरज कार्कीले भब्य एंव सुरक्षित तवरले होली पर्व मनाउन आम सर्वसाधारणलाई अनुरोध गरेका छन् ।
उनीहरुले होली पर्वलाई सभ्य, शिष्ट, स्वस्थकर र मर्यादित तवरले मनाउन सबैलाई अनुरोध गरेका हुन् । प्रहरीले कसैको इच्छाविपरीत रङ, लोला मोबिल, मोसो, केमिकल र फोहरपानी प्रयोग गरेमा कानूनबमोजिम कारबाही गरिने जनाएका छन् ।
बिर्तामोड ४ का वडाध्यक्ष राहुल शर्मा लगायतले मनतब्य राखेको कार्यक्रममा स्वागत युनिकम जिल्ला सचिव बिमल कट्टेलले गरेका थिए । युनिकम जिल्ला अध्यक्ष अपर्णा सापकोटाको अध्यक्षतामा भएको कार्यक्रमको सञ्चालन सञ्चारकर्मी केशव भट्टराईले गरेका थिए ।
कार्यक्रममा बिर्तामोड उद्योग वाणिज्य संघका अध्यक्ष राजु न्यौपाने, निर्वतमान अध्यक्ष कुमार भट्टराई , सरसफाई अभियान्ता बिष्ण्ुा आर्चाय लगायतको आतिथ्यता रहेको थियो । कार्यक्रममा शान्तिर सुरक्षा र ट्राफिक व्यवस्थापनमा सहयोग पु¥याएको भन्दै इलाका प्रहरी कार्यालय र जिल्ला ट्राफिक प्रहरी कार्यालयलाई प्रशंसापत्र प्रदान गरिएको थियो । साथै कार्यक्रममा सामुहिक होली समेत मनाइएको थियो ।
प्रकाशित मिति: २०२४-०३-२४ , समय : ११:००:४४ , ९ महिना अगाडि