झापा एक्सप्रेस , ५४३४५ पटक हेरिएको
माइजोगमाई गाउपालिका ३ स्थित बौद्ध आधारभूत विद्यालय चित्रेको खेलमैदानमा योल्मो फुटबल क्लबको आयोजनामा गत चैत्र २४ गतेबाट जारी माईजोगमाई गाउपालिका टोल स्तरिय पुरुष तथा महिला फुटबलको फाइनल खेलको पुरुष तर्फको उपाधी माईजोगमाई ४ तथा महिलाको उपाधी माईजोगमाई ३ ए ले जिएको छ । आज भएको महिलाहरुको पहिलो खेलमा माईजोगमाई ३ ए ले माईजोगमाई ४ लाई २/० गोल अन्तरले पराजित गर्दै उपाधिमाथी कब्जा गर्यो । उपाधी जितेको माईजोगमाई ३ ए ले नगद दस हजार सहित आकर्षक ट्रफी मेडल र प्रमाणपत्र प्राप्त गर्यो भने उपविजेता माईजोगमाई ४ ले नगद आठ हजारमा चित्त बुझायो ।
त्यस्तै आजै भएको पुरुषहरुको फाइनल खेलमा माईजोगमाई ४ ले प्याङ फुटबल क्लब माईजोगमाई ६ लाई ३/० गोल अन्तरले पराजित गर्दै उपाधि जितेको छ । पहिलो हाफ गोलरहित बराबरी खेलेको दुवै टिमले दोस्रो हाफमा माईजोगमाई ४ ले ३ गोल गर्यो । ३ गोलनै माईजोगमाई ४ का जर्सी नं १० का खेलाडी जोयल राईले गर्दै आफ्नो टिमलाई जिताएका थिए । उपाधी जित्दै माईजोगमाई ४ ले नगद चालीस हजार आकर्षक ट्रफी मेडल र प्रमाण प्राप्त गर्यो । त्यस्तै उपविजेता प्याङले नगद तीस हजार ट्रफी मेडल र प्रमाणपत्र प्राप्त गर्यो ।
खेलमा विभिन्न विदाका खेलाडिहरु महिला तर्फ उदयिमान खेलाडी माईजोगमाई ५ कि सुनाहाङ लिम्बू त्यस्तै पुरुष तर्फ तोषन मगर घोषित भए
महिला उत्कृष्ट गोल रक्षक माईजोगमाई ३ए कि झरना राई बेष्ट डिफेन्डर माईजोगमाई ३ कि सुनिता बसेल उत्कृष्ट मिडफिल्डर माईजोगमाई ४ कि रस्मिता देवान सर्वाधिक गोलकर्ता माईजोगमाई ३A कि दावा लमु योल्मो
उत्कृष्ट गोलरक्षक पुरुष तर्फ माईजोगमाई ४ का पुजन तामाङ्ग उत्कृष्ट मिडफिल्डर प्याङका जोसेफ राई सर्वाधिक गोलकर्ता माईगोमाई 3 का विकास योल्मो उत्कृष्ट डिफेन्डर प्याङका सौजन थेवे प्लेयर अब द म्याच पुरुष तर्फ माईजोगमाई ४ का नवराज लिम्बु र महिला तर्फ माईजोगमाई ३ए कि स्वस्तिका देवान घोषित भए । सम्पूर्ण खेलाडी हरुलाई प्रमुख अतिथि माईजोगमाई गाउपालिका अध्यक्ष कुश बहादुर थेवे , विशेष अतिथी गाउपालिका उपाध्यक्ष प्रविना राई , ३ नं वडाका वडाध्यक्ष राम घिमिरे , ४ नं वडाका वडाध्यक्ष डुरन देवान लगायत अन्य विशेष अतिथिहरुले वितरण गरेका थिए । कमल योल्मोको अध्यक्षतामा सपन्न कार्यक्रममाको संचालन रुपेन योल्मोले गरेका थिए ।
प्रकाशित मिति: २०२४-०४-१४ , समय : २१:०३:५२ , ८ महिना अगाडि