झापा एक्सप्रेस , १४२६२ पटक हेरिएको
शरणामती – झापाको झापा गाउँपालिका-२ स्थित सृजनाबस्तीमा यही कार्तिक १३ गते देखी खुल्ला टि टेन क्रिकेट प्रतियोगिता हुने भएको छ .झापा क्रिकेट क्लबको आयोजनामा यहाँ स्थित सृजनाबस्तीको खेल मैदानमा प्रतियोगीता संचालन हुन् लागेको हो .
प्रतियोगितामा १६ टिमको सहभागिता रहने अपेक्षा गरिएको आयोजकले जनाएको छ .कार्तिक १२ गते सम्म इन्ट्री हुन् सक्ने व्यवस्था रहेको छ .इन्ट्री फी ३ हजार रहेको आयोजक समितिका राम भोला राजबंशीले जानकारी दिए .
प्रतियोगिता १०/१० ओभरको हुनेछ .खेलमा पावर प्ले ३ ओभरको हुनेछ र एल .बि .डब्लु बाहेक आइसीसी को नियम अनुसार खेल खेलाइने आयोजक समितिले जनाएको छ .
प्रतियोगितामा विजेता टिमले नगद २१ हजार र उपविजेता टिमले नगद १५ हजार सहित ट्रफी मेडल र प्रमाणपत्र प्राप्त गर्नेछन .त्यस्तै बेस्ट ब्याट्समेन र बेस्ट बलरले नगद १/१ हजार सहित ट्रफी प्राप्त गर्नेछन .
प्रकाशित मिति: २०२४-१०-२४ , समय : १८:५०:२३ , २ महिना अगाडि