झापा एक्सप्रेस , १२३२३ पटक हेरिएको
झापा जिल्लाको मेचीनगर नगरपालिका वडा नं. १० स्थित पूर्व–पश्चिम राजमार्गमा मिति २०८१ साल कार्तिक ३० गते साँझ करिब ६:२० बजे सवारी दुर्घटनामा एक जनाको मृत्यु भएको छ।
चारआलीबाट धुलाबारीतर्फ जाँदै गरेको मे.६ प.३१७९ नम्बरको मोटरसाइकलले बाटो क्रस गर्दै गरेका पैदल यात्रीलाई ठक्कर दिएको थियो। ठक्करका कारण अन्दाजी ५० वर्षीय पुरुष गम्भीर घाइते भए। उनलाई उपचारका लागि बीएण्डसी अस्पताल, बिर्तामोड लगिएकोमा, साँझ ६:५० बजे चिकित्सकले मृत घोषणा गरेका छन्। मृतकको नाम, थर, र वतन हालसम्म खुल्न सकेको छैन।
दुर्घटनामा मोटरसाइकल चालक, मेचीनगर नगरपालिका वडा नं. ७ निवासी ५२ वर्षीय गणेश राजबंशी पनि घाइते भएका छन्। उनलाई हातखुट्टा, अनुहार, र मुखमा चोट लागेको छ र हाल सोही अस्पतालमा उपचार भइरहेको छ।
उक्त घटनाबारे प्रहरीले थप अनुसन्धान जारी राखेको जनाएको छ।
प्रकाशित मिति: २०२४-११-१५ , समय : २०:५०:३२ , ४ हप्ता अगाडि